ຮ້ອຍຕີ ຈິ້ງຫິວເດະ

      ປີ 2020 ຮ້ອຍຕີ ຈິ້ງຫິວເດະ (ເກີດປີ 1997) ຖືກຫົວໜ້າຕຳຫຼວດແຂວງ ກ່າເມົາ ຈັດສົ່ງຈາກກອງປ້ອງກັນຄວາມສະຫງົບ ຕຳຫຼວດເມືອງ ກ໊າຍເນືອກ ໄປຮັບໜ້າທີ່ວຽກງານຢູ່ຕຳຫຼວດຕາແສງ ດົງຮຶງ ເມືອງ ກ໊າຍເນືອກ ແຂວງ ກ່າເມົາ.ໂດຍເສີມຂະຫຍາຍກຳລັງຄວາມສາມາດຂອງຕົນ ຮ້ອຍຕີ ຈິ້ງຫິວເດະ ໄດ້ເປັນເສນາທິການ ໃຫ້ແກ່ກອງບັນຊາການຕາແສງ ດົງຮຶງ ເພື່ອປະຕິບັດວຽກງານຕໍ່ສູ້ ຕ້ານອາດຊະຍາກຳເປັນຢ່າງດີ ຮັກສາຄວາມສະຫງົບຄວາມເປັນລະບຽບ ຄວາມຮຽບຮ້ອຍ ການເຄື່ອນໄຫວໜູນຊ່ວຍສັງຄົມ ປະກອບສ່ວນຍົກສູງປະສິດທິຜົນຂອງຂະບວນການທົ່ວປວງຊົນປ້ອງກັນຄວາມສະຫງົບ ຂອງປະເທດຊາດຢູ່ທ້ອງຖິ່ນ. ຮ້ອຍຕີ ເດະ ໄດ້ປະຕິບັດວຽກງານເກັບກ ຳອັບເດດ ດັດແປງຂໍ້ມູນຂອງພົນລະເມືອງໃນບໍລິເວນຕາແສງ ໃຫ້ຖືກຕາມຄວາມຄືບໜ້າທີ່ຂັ້ນເທິງ ໄດ້ວາງອອກ. ຮ້ອຍຕີ ເດະ ໄດ້ເຮັດທັງເວັນ ແລະ ຄືນເພື່ອຮັບປະກັນຄວາມຄືບໜ້າ. ຮ້ອຍຕີ ເດະ ແບ່ງປັນວ່າ:

      “ດ້ວຍຄວາມມານະພະຍາຍາມປະສານສົມທົບ ພ້ອມກັນຊອກຮູ້ຮຽນຮູ້ບັນດາວິທີເຮັດໃໝ່ ມີປະສິດທິຜົນ, ຂ້າພະເຈົ້າພະຍາຍາມອັບເດດ ແລະ ດັດປັບຂໍ້ມູນຂອງພົນລະເມືອງໃນບໍລິເວນຢ່າງຄົບຖ້ວນ ຊັດເຈນ ຮັບປະກັນຂໍ້ມູນສະອາດ ຖືກຕາມແຜນນະໂຍບາຍຂອງກະຊວງຕຳຫຼວດ ເມື່ອຜັນຂະຫຍາຍປະຕິບັດໂຄງການ”. 

      ຮ້ອຍຕີ ຈິ້ງຫິວເດະ ໄດ້ຮັບການຈັດແບ່ງໜ້າທີ່ວຽກງານຈາກຂັ້ນເທິງ ເຊິ່ງເຮັດວຽກຢູ່ພາກສ່ວນປ່ອງດຽວ. ອ້າຍຍາມໃດກໍ່ຈື່ດີຄຳສັ່ງສອນ 6 ຂໍ້ຂອງປະທານ ໂຮ່ຈີມິນ ທີ່ສອນໃຫ້ກຳລັງຕຳຫຼວດປະຊາຊົນ ຕ້ອງເຄົາລົບນັບຖືປະຊາຊົນ ຕ້ອງສຸດຈິດສຸດໃຈຕໍ່ວຽກງານ. ຈາກນັ້ນ ຮ້ອຍຕີ ເດະ ໄດ້ຮັບການຕີລາຄາສູງຈາກຊາວທ້ອງຖິ່ນ ໃນທ່າທີຮັບໃຊ້ປະຊາຊົນ. ອ້າຍ ເລຫວູແອັມ ຊາວທ້ອງຖິ່ນ ແບ່ງປັນວ່າ:

      “ຮ້ອຍຕີ ເດະ ເຮັດວຽກຢູ່ປ່ອງດຽວ ມີທ່າທີໃກ້ຊິດສະໜິດສະໜົມກັບປະຊາຊົນ. ພະນັກງານໜຸ່ມແຕ່ມີທ່າທີຮັບໃຊ້ປະຊາຊົນຢ່າງສຸດອົກສຸດໃຈ. ເມື່ອປະຊາຊົນຍັງບໍ່ເຂົ້າໃຈບັນຫາ ລາວກໍ່ແນະນຳຊ່ວຍປະຊາຊົນປະຕິບັດລະບຽບການໃຫ້ງ່າຍດາຍ”. 

      ພ້ອມກັບໜ້າທີ່ປະຕິບັດຢ່າງເປັນປົກກະຕິ, ຮ້ອຍຕີ ຈິ້ງຫິວເດະ ກໍ່ຍັງເຂົ້າຮ່ວມພ້ອມກັບກອງບັນຊາການຕຳຫຼວດຕາແສງ ຄົ້ນພົບຕໍ່ສູ້ແກ້ໄຂ 5 ຄະດີທີ່ເປັນໄພສັງຄົມ, ເປັນເສນາທິການແກ້ໄຂ 3 ຄະດີ ທຳລາຍຄວາມສະຫງົບ ຄວາມເປັນລະບຽບຮຽບຮ້ອຍໃນບໍລິເວນໃນປີ 2021. ໃນໄລຍະເກີດໂລກລະບາດ ໂຄວິດ - 19 ຮ້ອຍຕີ ເດະ ໄດ້ເຂົ້າຮ່ວມວຽກງານໃນຕະຫຼອດໄລຍະ. ຮ້ອຍຕີ ເດະ ຍັງເປັນເສນາທິການກ່ຽວກັບການສ້າງຕັ້ງຄຸ້ມຄອງ ແຟນເປດ ດົງຮຶງ 24 ຊົ່ວໂມງ ແນໃສ່ໂຄສະນາທັດສະນະແນວທາງນະໂຍບາຍຂອງພັກ ກົດໝາຍຂອງລັດ ໃຫ້ແກ່ປະຊາຊົນໃນບໍລິເວນເພື່ອຮັບປະກັນຄວາມປອດໄພທາງເຄືອຂ່າຍອິນເຕີເນັດ ຕາມລະບຽບກົດໝາຍ, ພ້ອມນັ້ນກໍ່ຊ່ວຍປະຊາຊົນໄດ້ເຂົ້າເຖິງແຫຼ່ງຂໍ້ມູນຂ່າວສານ ຢ່າງເປັນທາງການວ່ອງໄວ ທັນເວລາ. ປັດຈຸບັນ ແຟນເປດ ນີ້ຍັງຄົງແມ່ນໜຶ່ງໃນບັນດາຊ່ອງໂຄສະນາ ສະໜອງຂໍ້ມູນຂ່າວສານຢ່າງມີປະສິດທິຜົນ. ບັນດາຄວາມມານະພະຍາຍາມການປະກອບສ່ວນຂອງ ຮ້ອຍຕີ ເດະ ໄດ້ຮັບການຮັບການຮັບຮູ້ຈາກການນຳທ້ອງຖິ່ນ. ທ່ານ ຫງວຽນມິງຍ່າ ປະທານຄະນະກຳມະການປະຊາຊົນ ຕາແສງ ດົງຮຶງ ໃຫ້ຮູ້ວ່າ:

      “ໃນໜ້າທີ່ວຽກງານ ສະຫາຍ ເດະ ແມ່ນຜູ້ເຮັດວຽກງານຢ່າງສຸດໃຈ. ລາວຕ້ອນຮັບປະຊາຊົນແກ້ບັນດາລະບຽບການທີ່ກ່ຽວຂ້ອງເຖິງຕຳຫຼວດ ແມ່ນດ້ວຍຄວາມສຸດຈິດສຸດໃຈ. ໃນການປະຕິບັດປ້ອງກັນຕ້ານໂລກລະບາດ ກໍ່ຄືອອກບັດປະຈຳຕົວຂອງພົນລະເມືອງໃນບໍລິເວນຕາແສງ ສະຫາຍ ເດະ ກໍ່ຫ້າວຫັນທີ່ສຸດ. ພິເສດໃນການອັບເດດຂໍ້ມູນຂ່າວສານ ໃນການປ້ອງກັນຕ້ານໂລກລະບາດທາງເຄືອຂ່າຍ 24 ຊົ່ວໂມງຂອງຕາແສງ ດົງຮຶງ.”

        ປີ 2019 ຮ້ອຍຕີ ຈິ້ງຫິວເດະ ໄດ້ຮັບໃບຍ້ອງຍໍຈາກປະທານຄະນະກຳມະການປະຊາຊົນແຂວງ ກ່າເມົາ ຍ້ອນໄດ້ຮຽນຈົບມະຫາວິທະຍາໄລປ້ອງກັນຄວາມສະຫງົບປະຊາຊົນ ແລະ ເປັນນັກສຶກສາຮຽນເກັ່ງ. ພາຍຫຼັງເຮັດວຽກຢູ່ທ້ອງຖິ່ນ ເປັນເວລາ 2 ປີ ອ້າຍໄດ້ຮັບນາມມະຍົດນັກຮົບແຂ່ງຂັນຂັ້ນຮາກຖານ. ແລະ ກໍ່ໃນປີ 2021 ລາວກໍ່ໄດ້ຮັບຍ້ອງຍໍ ຈາກຄະນະຊາວໜຸ່ມຄອມມູນິດ ໂຮ່ຈີມິນ ຍ້ອນມີຜົນງານດີເດັ່ນ ໃນຂະບວນການຊາວໜຸ່ມຕຳຫຼວດປະຊາຊົນ ຮ່ຳຮຽນປະຕິບັດຕາມຄຳສັ່ງສອນ 6 ຂໍ້ຂອງປະທານ ໂຮ່ຈີມິນ.