(vovworld) - ໃນອາທິດຜ່ານມາ, ພາກພາສາລາວ ວິທະຍຸກະຈາຍສຽງ ຫວຽດນາມ ໄດ້ຮັບຈົດໝາຍ, ອີແມວ, ໂທລະສັບ ຈາກທ່ານຜູ້ຟັງລາວ ຫຼາຍທ່ານ. ໃນຈົດໝາຍ, ທ່ານຜູ້ຟັງມີຄວາມສົນໃຈເຖິງວິວັດການຫັນເປັນໂທລະພາບດີຈີຕອນຢູ່ຫວຽດນາມ, ກໍ່ຄືບັນດາສະຖານທີ່ທ່ອງທ່ຽວຢູ່ຮ່າໂນ້ຍ. ໃນລາຍການໂອ້ລົມກັບເພື່ອນລາວພາກນີ້, ພວກຂ້າພະເຈົ້າຈະຄັດສະເໜີ ແລະ ຕອບບາງຈົດໝາຍ, ອີແມວ, ໂທລະສັບ ເຊິ່ງທ່ານຜູ້ຟັງທີ່ຝາກມາລາຍການ.
ໃນອາທິດຜ່ານມາ, ເພື່ອນ ສຸບິນ ທິບພະຈັນ, ຫົວໜ້າຫ້ອງການທ່ອງທ່ຽວເມືອງປາກລາຍ, ແຂວງໄຊຍະບູລີ ໄດ້ໂທລະສັບມາລາຍການ ຢາກໄດ້ຮັບຟັງບົດເພງກ່ຽວກັບສາຍພົວພັນຫວຽດນາມ - ລາວ ໃນໂອກາດບຸນປີໃໝ່ ແລະ ເພື່ອນກໍ່ໃຫ້ຮູ້ວ່າ, ສັນຍານຂອງວິທະຍຸກະຈາຍສຽງຫວຽດນາມ ຢູ່ແຂວງໄຊຍະບູລີ ແຈ້ງດີ.
(ພາບປະກອບ)
ເພື່ອນ ມາດທິດາ ມາໄຊນະວົງ, ຢູ່ແຂວງ ຫົວພັນ ໄດ້ສົ່ງອີແມວ ມາລາຍການໂດຍຖາມວ່າ: ຂ້າພະເຈົ້າໄດ້ຍິນຂ່າວວ່າ ຫວຽດນາມ ມີແຜນການຫັນເປັນໂທລະພາບດີຈີຕອນ. ໂຄງການຫັນເປັນດີຈີຕອນນີ້ມີຜົນປະໂຫຍດຄືນແນວໃດ? ມັນມີຈຸດທີ່ແຕກຕາງກັນຄືແນວໃດເມື່ອທຽບໄສໂທລະພາບທຳມະດາ? ວິວັດການຫັນເປັນໂທລະພາບດີຈີຕອນຢູ່ຫວຽດນາມ ຄືແນວໃດ?
ເພື່ອນ ມາດທິດາ ມາໄຊນະວົງ ທີ່ຮັກແພງ, ໃນໄລຍະຜ່ານມາ, ທ່ານນາຍົກລັດຖະມົນຕີຫວຽດນາມ ໄດ້ອະນຸມັດຜ່ານແຜນຮ່າງຫັນເປັນໂທລະພາບດີຈີຕອນຮອດປີ 2020. ເຊິ່ງຕາມນັ້ນແລ້ວ, ຜູ້ເບິ່ງໂທລະພາບສາມາດຮັບຊົມບັນດາລາຍການໂທລະພາບດີຈີຕອນດ້ວຍເນື້ອໃນອຸດົມສົມບູນກວ່າ, ມີຄຸນນະພາບກວ່າ ແລະ ມີຫຼາຍລາຍການກວ່າເມື່ອທຽບໃສ່ໂທລະພາບທຳມະດາ. ຕາມແຜນຮ່າງເຊິ່ງນາຍົກລັດຖະມົນຕີໄດ້ເຊັນອະນຸມັດແລ້ວ, ວິວັດການຫັນເປັນໂທລະພາບດີຈີຕອນຢູ່ຫວຽດນາມ ຈະມີ 4 ໄລຍະ: ໄລຍະທີ 1 ແມ່ນຜັນຂະຫຍາຍຢູ່ 5 ນະຄອນສູນກາງຄື ຮ່າໂນ້ຍ, ຫາຍຟ່ອງ, ນະຄອນໂຮ່ຈິມິນ, ເກີນເທີ, ດ່ານັ້ງ ເຊິ່ງຈະປະຕິບັດສຳເລັດໃນປີ 2015; ໄລຍະ 2: ຈະຜັນຂະຫຍາຍຢູ່ 26 ແຂວງ, ນະຄອນໃນປີ 2016 ; ໄລຍະທີ 3 ຈະຜັນຂະຫຍາຍຢູ່ 18 ແຂວງໃນປີ 2018, ແລະ ສຸດທ້າຍແມ່ນໄລຍະທີ 4 ຈະຜັນຂະຫຍາຍຢູ່ບັນດາແຂວງ, ນະຄອນ ແລະ ທ້ອງຖິ່ນຍັງເຫຼືອໃນປີ 2020.
(ສຸສານປະທານໂຮ່ຈິມິນ)
ເພື່ອນຄຳພັນ ວິໄລຈິດ, ຢູ່ແຂວງ ຈຳປະສັກ ໄດ້ສົ່ງອີແມວ ມາລາຍການໂດຍໃຫ້ຮູ້ວ່າ: ໃນໄລຍະຈະມາເຖິງ, ຂ້າພະເຈົ້າຈະໄປທ່ອງທ່ຽວຢູ່ຮ່າໂນ້ຍ. ນີ້ເປັນຄັ້ງທຳອິດທີ່ຂ້າພະເຈົ້າມາທ່ອງທ່ຽວຮ່າໂນ້ຍ ສະນັ້ນ, ບໍ່ຮູ້ບັນດາສະຖານທີ່ທ່ອງທ່ຽວເຊິ່ງແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດ ມັກມາຢ້ຽມຢາມ. ຂ້າພະເຈົ້າຂໍໃຫ້ທາງວິທະຍຸກະຈາຍສຽງແນະນຳບັນດາສະຖານທີ່ທ່ອງທ່ຽວຢູ່ນະຄອນຮ່າໂນ້ຍ ເພື່ອສ້າງຄວາມສະດວກໃຫ້ຂ້າພະເຈົ້າໃນການຢ້ຽມຢາມຄັ້ງນີ້. ຂໍຂອບໃຈ.
ເພື່ອນຄຳພັນ ວິໄລຈິດ ທີ່ຮັກແພງ, ເພື່ອສ້າງຄວາມສະດວກໃຫ້ເພື່ອນໃນການມາຢ້ຽມຢາມຮ່າໂນ້ຍ ໃນໄລຍະຈະມາເຖິງ, ພວກເຮົາຂໍແນະນຳສະຖານທີ່ທ່ອງທ່ຽວບາງແຫ່ງທີ່ເພື່ອນຄວນຢ້ຽມຢາມ ແລະ ຄົ້ນຫານັ້ນແມ່ນ: ວັນມ໋ຽວກ໋ວກຕີຢາມ ເຊິ່ງແມ່ນມະຫາວິທະຍາໄລແຫ່ງທຳອິດຂອງຫວຽດນາມ, ໂຮງລະຄອນໃຫຍ່ຮ່າໂນ້ຍ, ເຂດປູຊະນີຍະສະຖານຄຸກ ຫວາລໍ່, ໜອງຮ່ວາງກ໋ຽມ ແລະ ວິຫານຫງອກເຊີນ, ສຸສານປະທານໂຮ່ຈິມິນ, ວັດເສົ້າດຽວ, ລາດຊະວັງທັງລອງ. ສະຖານທີ່ເຫຼົ່ານັ້ນແມ່ນຢູ່ໃຈກາງນະຄອນຫຼວງ. ນອກນັ້ນ, ເພື່ອນອາດຈະໄປຢ້ຽມຢາມຫໍພິພິດຕະພັນຊົນເຜົ່າວິທະຍາຫວຽດນາມ, ບ້ານບູຮານ ເດື່ອງເລີມ (ຫ່າງຈາກໃຈກາງນະຄອນຫຼວງປະທານ 50 ກມ), ບ້ານແພໄໝ ຫວ້ານຟຸ໋ກ (ທີ່ຫ່າງຈາກໃຈກາງນະຄອນຮ່າໂນ້ຍ 10 ກມ), ກຳແພງ ໂກລວາ ແລະ ວິຫານບູຊາ ອານເຍືອງເວືອງ (ຫ່າງຈາກໃຈກາງນະຄອນຮ່າໂນ້ຍ 17 ກມ)... ເພື່ອນຄຳພັນ ວິໄລຈິດ ທີ່ຮັກແພງ, ນັ້ນແມ່ນບັນດາສະຖານທີ່ທ່ອງທ່ຽວຢູ່ຮ່າໂນ້ຍ ເຊິ່ງພວກເຮົາແນະນຳເພື່ອໃຫ້ເພື່ອນມາຢ້ຽມຢາມ, ຫວັງວ່າການທ່ອງທ່ຽວຮ່າໂນ້ຍ ຂອງເພື່ອນໃນໄລຍະຈະມາເຖິງເຕັມໄປດ້ວຍຄວາມປະທັບໃຈ.
ດັ່ງທີ່ກ່າວມາຂ້າງເຖິງແມ່ນເນື້ອໃນຄຳເຫັນຂອງທ່ານຜູ້ຟັງບາງທ່ານທີ່ຝາກມາລາຍການໃນອາທິດຜ່ານມາ, ຫວັງວ່າ ທ່ານຜູ້ຝັງຈະສືບຕໍ່ຝາກຈົດໝາຍ, ອີແມວ ຫຼື ໂທລະສັບມາຫາລາຍການເພື່ອປະກອບຄຳເຫັນຊ່ວຍລາຍການຂອງພວກເຮົາໃຫ້ນັບມື້ມັບດີກວ່າເກົ່າ. ພວກເພື່ອນສາມາດຝາກຈົດໝາຍມາຍັງລາຍການໂດຍຈ່າລະຊ່ອງວ່າ: ພາກພາສາລາວ, ວິທະຍຸກະຈາຍສຽງຫວຽດນາມ, ເຮືອນເລກທີ 45 ຖະໜົນ ບ່າຈ້ຽວ, ຮ່າໂນ້ຍ. ຫຼືໂທລະສັບໂດຍກົງກໍ່ໄດ້ຕາມເບີໂທ 0084.43.8256631 ຫຼື ອີແມວ laovov@yahoo.com.