ທ່ານນາຍົກລັດຖະມົນຕີຫວຽດນາມ ຟ້າມມິງຈິງ ຕ້ອນຮັບທ່ານຮອງນາຍົກລັດຖະມົນຕີກຳປູເຈຍ Neth Savoeun

    ທ່ານນາຍົກລັດຖະມົນຕີເນັ້ນໜັກວ່າ: ໄຊຊະນະດ້ຽນບຽນຝູ ແມ່ນໄຊຊະນະຮ່ວມຂອງ 3 ປະເທດຫວຽດນາມ - ລາວ - ກຳປູເຈຍ; ທ່ານຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນການ ປັບປຸງແລະ ເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຮອບດ້ານກັບ ກຳປູເຈຍ ບົນພື້ນຖານຄວາມສາມັກຄີ, ມິດຕະພາບ ແລະ ເຄົາລົບນັບຖືຜົນປະໂຫຍດຂອງກັນ. ທ່ານນາຍົກລັດຖະມົນຕີ ຢືນຢັນວ່າ ຫວຽດນາມ ປາດຖະໜາຢາກຮ່ວມມືຢ່າງແໜ້ນແຟ້ນກັບ ກຳປູເຈຍ ແລະ ບັນດາປະເທດໃນເຂດອ່າງແມ່ນ້ຳຂອງໃນບັນດາການເຄື່ອນໄຫວນຳໃຊ້, ຄຸ້ມຄອງ, ປົກປັກຮັກສາ ແລະ ພັດທະນາລຳແມ່ນ້ຳຂອງແບບຍືນຍົງ ບົນພື້ນຖານສັນຍາແມ່ນ້ຳຂອງ ແລະ ລະບຽບການຂອງຄະນະກຳມາທິການແມ່ນ້ຳຂອງສາກົນ.

          ສ່ວນທ່ານຮອງນາຍົກລັດຖະມົນຕີ Net Savoeun  ໄດ້ສະແດງຄວາມເປັນກຽດ ເຂົ້າຮ່ວມ ພິທີສະເຫຼີມສະຫຼອງ 70 ປີແຫ່ງວັນໄຊຊະນະ ດ້ຽນບຽນຝູ; ແລະ ຢືນຢັນວ່າ ນີ້ແມ່ນເຫດການສຳຄັນຂອງ 3 ປະເທດ ຫວຽດນາມ, ລາວ ແລະ ກຳປູເຈຍ.