ນາຍທະຫານ ບວກກີນາ ຟາໂຊ ລາດຕະເວນ ຢູ່  Ouhigouya. (ພາບ: AFP/TTXVN)

ທ່ານ Antonio Guterres ໄດ້ແບ່ງປັນຄວາມໂສກເສົ້າກັບຄອບຄົວຜູ້ປະສົບເຄາະຮ້າຍ, ພ້ອມດຽວກັນນັ້ນ, ທ່ານກໍຮຽກຮ້ອງໃຫ້ວົງການເຈົ້າໜ້າທີ່ ບວກກີນາ ຟາໂຊ ສຸມທຸກກໍາລັງເພື່ອຊອກຫາ ແລະ ນຳຕົວການຂຶ້ນສານພິພາກສາໂດຍໄວ. ທ່ານກໍຢ້ຳຄືນຄຳໝັ້ນສັນຍາຂອງ ສປຊ ກ່ຽວກັບເລື່ອງ ຈະສືບຕໍ່ໜູນຊ່ວຍ ບວກກີນາ ຟາໂຊ ສະກັດກັ້ນການກໍ່ການຮ້າຍ, ການໃຊ້ຄວາມຮຸນແຮງ ແລະ ປົກປ້ອງສາມັນຊົນ.

        ວັນທີ 22 ແລະ 25 ພຶດສະພາ, ບັນດາກຸ່ມກໍ່ການຮ້າຍໄດ້ດຳເນີນການປຸກໂຈມຕີໃສ່ປະຊາຊົນຢູ່ສອງຕາແສງ Gorgadji ຂອງແຂວງ Séno, ເຂດ Sahel ແລະ Madjoari (ແຂວງ Kompienga ຢູ່ທາງທິດຕາເວັນອອກ). ສົບຂອງຜູ້ປະສົບເຄາະຮ້າຍໄດ້ຊອກເຫັນຢູ່ຕາແສງ Gorgadji ຢ່າງໜ້ອຍສຸດ 11 ສົບ. ກ່ອນໜ້ານັ້ນ ມັນດາມືປືນໄດ້ປຸກໂຈມຕີຄ້າຍຄືກັນນີ້ ໃນວັນທີ 14 ແລະ 19 ພຶດສະພາ ຢູ່ Madjoari ເຮັດໃຫ້ສາມັນຊົນ 17 ຄົນ ແລະ ນັກຮົບ 11 ຄົນເສຍຊີວິດ.