ພາບປະກອບ:ອິນເຕີແນັດ
|
(vovworld)-ຕອນຄຳ່ວັນທີ 15/4, ຢູ່ນະຄອນ ໂຮ່ຈິມີນ, ສະມາຄົມວິສາຫະກິດຫວຽດນາມຜະລິດສິນຄ້າຄຸນນະພາບສູງ ໄດ້ໄຂງານຕະຫລາດນັດສິນຄ້າຫວຽດນາມຄຸນນະພາບສູງປີ 2014. ນີ້ເປັນຄັ້ງທີ 18 ງານຕະຫລາດນັດດັ່ງກ່າວຖືກຈັດຂຶ້ນຢູ່ ນະຄອນ ໂຮ່ຈິມີນ. ເຂົ້າຮ່ວມງານຕະຫລາດນັດ ມີວິສາຫະກິດ 230 ແຫ່ງ ດ້ວຍຮ້ານວາງສະແດງ 700 ຮ້ານ. ຜູ້ອຸປະໂພກບໍລິໂພກມາງານຕະຫລາດນັດສາມາດຊື້ສິນຄ້າຄຸນນະພາບສູງ ດ້ວຍຫລາຍລາຍການສົ່ງເສີມການຄ້າ, ຫລຸດລາຄາເຖິງ 50% ແລະ ໄດ້ພົບປະແລກປ່ຽນໂດຍກົງກັບວິສາຫະກິດ, ຜູ້ຊ່ຽວຊານໃຫ້ຄຳປຶກສາກ່ຽວກັບຜະລິດຕະພັນ. ແລະກໍໃນຂອບເຂດງານຕະຫລາດນັດ, ເປັນຄັ້ງທຳອິດດຳເນີນລາຍການຝືກອົບຮົມກ່ຽວກັບການກໍ່ຮ່າງສ້າງຕົວ ໄດ້ເຕົ້າໂຮມບັນດາແບບຢ່າງດີເດັ່ນທີ່ມາຈາກ 8 ແຂວງ, ນະຄອນພາຍໃນປະເທດ. ນອກນັ້ນ ງານຕະຫລາດນັດຍັງມີການເຄື່ອນໄຫວຫລາຍຢ່າງ ດ້ວຍຫົວຂໍ້: ການປ່ຽນໃຫມ່ຫົວຄິດປະດິດສ້າງເພື່ອພັດທະນາແບບຍືນຍົງ. ງານຕະຫລາດນັດດັ່ງກ່າວຈະອັດລົງໃນວັນທີ 20/4.