(vovworld) – ການນຳບັນດາປະເທດສະມາຊິກສະຫະພາບເອີລົບ (EU) ໄດ້ເລືອກເອົາທ່ານນາຍົກລັດຖະມົນຕີ ໂປໂລຍ Doneld Tusk, ເປັນປະທານຄົນໃໝ່ຂອງສະພາເອີລົບ (EC) ແລະ ທ່ານນາງລັດຖະມົນຕີການຕ່າງປະເທດອີຕາລີ Dederica Mogherini, ເປັນຜູ້ຕາງໜ້າຂັ້ນສູງ ຮັບຜິດຊອບນະໂຍບາຍການຕ່າງປະເທດ ແລະ ຄວາມໝັ້ນຄົງຂອງສະຫະພາບນີ້. ຂໍ້ມູນຂ່າວດັ່ງກ່າວໂດຍທ່ານປະທານ EC Herman Van Rompuy ຖະແຫຼງໃນເວັບໄຊສັງຄົມ Twitter ພາຍຫຼັງກອງປະຊຸມສຸດຍອດຂອງ EC ທີ່ຈັດຂຶ້ນໃນວັນທີ 30/08 ຢູ່ບຣຸກແສນ, ປະເທດແບນຊິກ.