ກອງປະຊຸມສຳມະນາວິທະຍາສາດດ້ວຍຫົວຂໍ້ວ່າ: “ກຳນົດທິດຍຸດທະສາດນະໂຍບາຍພົວພັນພາຍໃນ ແລະ ພົວພັນຕ່າງປະເທດ ຂອງພັກ ແລະ ລັດ ໃນໂລກຍຸກປະຈຸບັນ”
(vovworld) – ຕອນເຊົ້າວັນທີ 16/4, ຢູ່ນະຄອນ ໂຮ່ຈີມິນ, ສະພາທິດສະດີສູນກາງໄດ້ຈັດຕັ້ງກອງປະຊຸມສຳມະນາວິທະຍາສາດດ້ວຍຫົວຂໍ້ວ່າ: “ກຳນົດທິດຍຸດທະສາດນະໂຍບາຍພົວພັນພາຍໃນ ແລະ ພົວພັນຕ່າງປະເທດ ຂອງພັກ ແລະ ລັດ ໃນໂລກຍຸກປະຈຸບັນ”. ບົນພື້ນຖານຂອງ 3 ເນື້ອໃນຕົ້ນຕໍ່ນັ້ນແມ່ນ: ສະພາບການໂລກໃນປະຈຸບັນ, ບັນດາບັນຫາວາງອອກສຳລັບ ຫວຽດນາມ ແລະ ບັນດາການກຳນົດທິດຍຸດທະສາດໃນນະໂຍບາຍພົວພັນພາຍໃນ, ຕ່າງປະເທດຂອງ ຫວຽດນາມ... ບັນດາຜູ້ແທນໄດ້ປຶກສາຫາລືກ່ຽວກັບສະພາບເສດຖະກິດ, ທ່າອ່ຽງເຊື່ອມໂຍງເຂົ້າກັບໂລກ, ການພັດທະນາສື່ສານບໍ່ມີພົມແດນ, ທີ່ພວມກະທົບຢ່າງແຮງເຖິງ ຫວຽດນາມ. ນອກຈາກນັ້ນ, ຫວຽດນາມ ກໍ່ຕ້ອງປະເຊີນໜ້າກັບບັນດາສິ່ງທ້າທາຍຄື: ການຖອນຫຼັງທາງດ້ານເສດຖະກິດ, ບັນຫາທະເລຕາເວັນອອກອາດຈະຜັນແປໄປຢ່າງສັບສົນ, ການຮ່ວມມືໃນອາຊຽນ ປະສົບກັບຄວາມຫຍຸ້ງຍາກຫຼາຍຢ່າງ. ສາດສະດາຈານ, ດຣ ຫວູວັນຮ່ຽນ, ຮອງປະທານສະພາທິດສະດີສູນກາງ, ຖືວ່າ:
“ກອງປະຊຸມສຳມະນານີ້ນອນໃນເນື້ອໃນຂອງຫົວຂໍ້ຄົ້ນຄ້ວາວິທະຍາສາດລະດັບຊາດ “ໂລກຍຸກທັນສະໄໝ ແລະ ບັນດາບັນຫາທີ່ວາງອອກສຳລັບ ຫວຽດນາມ”. ພວກຂ້າພະເຈົ້າໄດ້ຄົ້ນຄ້ວາຫົວຂໍ້ນີ້ເປັນເວລາ 2 ປີ, ຜ່ານວິວັດທະນາການຄົ້ນຄ້ວາໄດ້ວາງອອກຫຼາຍບັນຫາເຊິ່ງພວກເຮົາຄວນສົນໃຈ. ຫົວຂໍ້ສະຫງວນບັນດາຫຼັກຖານສຳຄັນເພື່ອປະກອບສ່ວນເຂົ້າຮ່ວມການສະຫລຸບ 30 ປີແຫ່ງການປ່ຽນໃໝ່ຂອງປະເທດຊາດ, ປະກອບຄຳເຫັນໃນແຜນນະໂຍບາຍ, ແນວທາງນະໂຍບາຍຂອງພັກ, ລັດ”