ງານພົບປະທີ່ເປັນມູນເຊື້ອຂອງຄະນະຕິດຕໍ່ພົວພັນຊາວຫວຽດນາມ ອາໄສຢູ່ໄທ - ລາວ ປີ 2013
(ພາບປະກອບ)
(vovworld) - ມີຊາວຫວຽດນາມ 140 ຄົນ ທີ່ມາຈາກຄະນະຕິດຕໍ່ພົວພັນຊາວຫວຽດນາມ ອາໄສຢູ່ໄທ - ລາວ ແຂວງ ດົ່ງນາຍ, ນະຄອນ ໂຮ່ຈິມິມ ແລະ ແຂວງ ບ່າເຣີຍ - ວູ້ງເຕົ່າ ໄດ້ເຂົ້າຮ່ວມງານພົບປະທີ່ເປັນມູນເຊື້ອໃນປີ 2013, ເຊິ່ງຈັດຂຶ້ນໃນວັນທີ 02/03 ຢູ່ແຂວງ ບ່າເຣີຍ - ວູ້ງເຕົ່າ. ນີ້ແມ່ນໂອກາດເພື່ອໃຫ້ບັນດາຊາວຫວຽດນາມ ອາໄສຢູ່ຕ່າງປະເທດ ມີເງື່ອນໄຂພົບປະແລກປ່ຽນ ກໍຄືຕິດພັນກັບບ້ານເກີດເມືອງນອນກວ່າ. ກ່າວຄຳເຫັນທີ່ການພົບປະ, ທ່ານ ເລແທງຢຸງ, ຮອງປະທານຄະນະກຳມະການປະຊາຊົນແຂວງ ບ່າເຣີຍ - ວູ້ງເຕົ່າ ໄດ້ຕີລາຄາສູງການປະກອບສ່ວນຂອງປະຊາຊົນຫວຽດນາມ ອາໄສຢູ່ຕ່າງປະເທດໃນໄລຍະຜ່ານມາ ແລະ ຢືນຢັນວ່າ ພັກ, ລັດ ຫວຽດນາມ ເວົ້າລວມ, ແຂວງ ບ່າເຣີຍ - ວູ້ງເຕົ່າ ເວົ້າສະເພາະ, ຍາມໃດກໍເອົາໃຈໃສ່ເຖິງປະຊາຊົນຊາວຫວຽດນາມ ອາໄສຢູ່ຕ່າງປະເທດ ແລະ ໄດ້ມີບັນດາແຜນນະໂຍບາຍ, ນະໂຍບາຍຢ່າງລະອຽດ, ແນໃສ່ສ້າງເງື່ອນໄຂສະດວກໃຫ້ແກ່ຊາວຫວຽດນາມ ອາໄສຢູ່ຕ່າງປະເທດ ດຳລົງຊີວິດ ແລະ ເຮັດວຽກ. ພິເສດ, ຍາມໃດແຂວງ ບ່າເຣີຍ - ວູ້ງເຕົ່າ ກໍຕັ້ງໜ້າ ແລະ ມີໄຫວພິບໃນການແກ້ໄຂລະບຽບການເຂົ້າອອກເມືອງ, ເພື່ອໃຫ້ການໄປມາສະດວກກວ່າ, ປະກາດໃຊ້ນະໂຍບາຍໃຫ້ບຸລິມະສິດແກ່ການລົງທຶນໃຫ້ພໍ່ແມ່ປະຊາຊົນຊາວຫວຽດນາມ ອາໄສຢູ່ຕ່າງປະເທດກັບເມື່ອລົງທຶນຢູ່ແຂວງ ບ່າເຣີຍ - ວູ້ງເຕົ່າ.