(vovworld) – ວັນທີ 23/4, ຢູ່ນະຄອນ ຫວູງເຕົ່າ (ແຂວງ ບ່າເຣ້ຍ ຫວູງເຕົ່າ, ສູນຄົ້ນຄ້ວາພັດທະນາ ແລະ ໜູນຊ່ວຍວົງຄະນະຍາດ (CECODES), ສູນຝຶກອົມຮົມພະນັກງານ ແລະ ຄົ້ນຄ້ວາວິທະຍາສາດ ແນວໂຮມປະເທດຊາດ ຫວຽດນາມ (VFF – CRT) ແລະ ອົງການ ສປຊ ເພື່ອການພັດທະນາປະຈຳ ຫວຽດນາມ (UNDP) ໄດ້ສົມທົບກັນຈັດຕັ້ງ ກອງປະຊຸມສຳມະນາ “ດັດຊະນີປະສິດທິຜົນແຫ່ງການຄຸ້ມຄອງແລະບໍລິຫານແຫ່ງລັດຂັ້ນແຂວງຢູ່ ຫວຽດນາມ” ດ້ວຍການເຂົ້າຮ່ວມຂອງຜູ້ຕາງໜ້າຄະນະການນຳແນວໂຮມປະເທດຊາດ ຫວຽດນາມ 9 ແຂວງທາງທິດຕາເວັນອອກສ່ຽງໃຕ້. ທີ່ກອງປະຊຸມສຳມະນາ, ທ່ານ Bakhodir Burkhanov, ຮອງຜູ້ອຳນວຍການ UNDP ປະຈຳ ຫວຽດນາມ ໃຫ້ຮູ້ວ່າ: ດັດຊະນີປະສິດທິຜົນ ແຫ່ງການຄຸ້ມຄອງແລະບໍລິຫານແຫ່ງລັດ (PAPI) ແມ່ນດັດຊະນີສຳຄັນ, ສະໜອງຫຼາຍຂໍ້ມູນຂ່າວສານຊ່ວຍອຳນາດການປົກຄອງທ້ອງຖີ່ນ ຮັບຮູ້ບັນດາຈຸດດີ, ຈຸດອ່ອນໃນການບໍລິຫານ, ຄຸ້ມຄອງລັດ ໃນບໍລິເວນ, ຈາກນັ້ນມີການປ່ຽນແປງ, ປັບປຸງ, ຊ່ວຍເສີມຂະຫຍາຍບັນດາເຄື່ອງມືບໍລິຫານຮັບໃຊ້ປະຊາຊົນເປັນຢ່າງດີ. ເມື່ອປຶກສາຫາລືທີ່ກອງປະຊຸມສຳມະນາ, ການນຳແນວໂຮມປະເທດຊາດ ບັນດາທ້ອງຖີ່ນ ໃນເຂດລ້ວນແຕ່ຮັບຮູ້ສັງເກດວ່າປະມວນດັດຊະນີແມ່ນເຄື່ອງມືມີປະໂຫຍດ ເພື່ອໃຫ້ແນວໂຮມປະເທດຊາດ ພ້ອມກັບປະຊາຊົນເຂົ້າຮ່ວມການຕິດຕາມກວດກາ ແລະ ຕີລາຄາສັງຄົມໃນໄລຍະຈະມາເຖິງ.